Day # 8

سالفة اليوم :

اليوم جربت مصفطي اليديد .. طلعت امبجر .. ومع الزحمة مابقى شي على المحاضرة ..

على ماعتقدت انه مدخل المصافط بويه الكلية .. قربت حاولت ادخل .. لقيت انه هذا المخرج !! عيل وين المدخل .. محاضرتي تبدي بعد دقيقة

إلا أدخل حتى لو تأخرت .. ودرت حول الكلية واكتشفت انه المدخل بظهر الكلية .. يعني لازم ألف الدوار وبعدها آخذ فوق تحت وبعدين ادخل

دخلت .. قاللي الحارس هذي المصافط.. مظللة وفيها عواميد تدخل السيارة بينهم .. على ما عدلت الصفطة .. ومشيت مساااااافة على الكلاس .. تأخرت على المحاضرة 10 دقايق تقريبا .. وانحسبت تأخير !!!

عفت المصفط .. مو لازم ..

:)

أولا وين اذنك ياجحا مصافط الطالبات العاديه اقرب

ثانيا بعيد عن الكلاسات حيل ..

ثالثا أفضل أطلع مع سارة واحنا نسولف لين المصافط العادية و نصفط يم بعض

صج كان شعور حلو .. بس يافرحة ماتمت..

الله يعوضني خير