Day 39

من زمان ماكتبت

فيه اشياء مضيقة خلقي في البلوق

ويمكن تخليني ما افكر اكتب

بلوقي مافيه خيار الالوان ولا
ال
alignment
ولا
layout

: (

ابي حل عشان اكتب وانا مستانسة

Day 38

اليوم كان يوم مميز بالنسبة لي

سمعوا القصه

اليوم ليش انه انتخابات وصيام فالواحد منا يقل تركيزه

اختي الصغيره اقبلت من بعيد

تلك التي كانت بالامس في الروضه

ماشالله اليوم هي في اول ايامها الجامعيه

كنت مستانسه فيها و متحمسه اعيشها حياة الجامعة من اول الايام

اخذتها كليتي و وريتها معالم كليات الكويت الجميله ! او بمعنى اخر كنت ابيها تفتخر ان عندها اخت كبيره عندها خبره


دخلنا الكليه .. لقينا وحده قاعده من قائمه ....... عندها جياس هدايا حق الطالبات اللي يمرون
طفناها ولا خذنا لانا كنا مستعيلين

بس الله كاتب كاتب حق صاحبه الطاوله اجر من ورانا



اكمل لكم شصار


يات وحده من البنات

: ها خذتوا ماي زمزم من قائمه .........


قلت لها لا بس الحين نمر عليها وناخذ


وخذنا منها الجيس واحنا ماندري شنو فيه لحد الان غير ماي زمزم


طلعنا والجياس معانا حطيناهم بالسياره وانطلقنا الى الكلية اللي فيها المحاضره المقرره على اختي

كان عندها لاب

نطرت من ٢ لــــــــــــــــــــي ٤:٣٥

وقد بلغ مني التعب مبلغا

قررت ان ادخل اللاب واشوف خلصوا ولا ناويين يتفطرون داخل

الا توهم خالصين .. دخلت

قالت اختي بروح حق (الابله ) تصلحلي الدفتر !

قلتلها خلاص انتي روحي وانا اشيل اغراضج وانطرج بره

وهذا ماحصل

ركبنا السياره وامتلئت بالسوالف .. وكانت لحظه الفرج حين اقتربنا من البيـــــــت.. وظننت ان يومي الطويل قد انتهى

الساعه ٥:٠٦

وين ملفـــــــــــي ــ!!!

أي ملف!!

ملفي الاسود وينه كان مع الاغراض ...؟

انتي ماعندج ملف ...؟؟؟

امبلا امس شريت واحد فيه كل اوراقي .. !!

عيل مايبته :$ !


انزين الحين شلون .. ارجع الكليه ! ماباقي شي عالاذان .. ويمكن سكروا الباب !!!

رجعي ابي ملفي .. !! راح انقص درجات (سوالف ثانوي) .. !

زين دقي على ابوي قوليله احنا بنرجع الكليه ....

" يبه نسينا شغله نبي نرجع الكليه "
" لا تعالوا البيت الحين مسيان انا اروح " ... طبعا لحد ابدا يتخيل انها كانت الجمله بهالسهوله .. "
- زفه محترمة تسبقها-

وصلت واذا بخزه من ابي تنسيني كل ما فكرت فيه من كلمات واعذار

وانا اتحسر على حال هذه المستجده المسكينه لانها اكلتها

راحوا ورجعوا الكليه وكان املي ان يجدوا الضاله


في هالرجعة .. مخالفه سرعه + الله ستر من حادث
يبون يلحقون عالاذان


وبالفعل أذن واهما بنص الطريج

وكسبت الاجر الاخت اللي عطتنا الجيس لانه في داخله تمر و ماي زمزم فطر صائمين في السياره

- سبحان الله رزقكم وماتوعدون -

Day 37

http://www.ipc-kw.com/arabic/index.php

موقع لجنة التعريف بالاسلام

موقع رائع ومتعوب عليه جدا

من خلال الموقع تقدر تطلب المنشورات الاسلاميه لاي لغه ويوصلون الطلب لي البيت برسم الخدمه مجانا من غير مقابل

قصص التائبين . اخبار اللجنة . الانشطه


موقع بالفعل جميل وراقي وثري بثرآء هذه اللجنة الحبيبة الى قلوبنا

الله يثبتكم

: )

Day 36

برشور جميل لقيته عن

" الاسباب المنسية في زيادة الرزق"

١.

اكثرة الاستغفار مع التوبة الصادقة الى الله

(فقلت استغفروا ربكم إنه كان غفارا يرسل السماء عليكم مدرارا ويمددكم بأموال وبنين )
نوح ١٠-١١

٢.

تقوى الله عز وجل

( ومن يتق الله يجعل له مخرجا ويرزقه من حيث لا يحتسب )
الطلاق ٢


٣.

الدعاء خاصة عند الاوقات الفاضلة

( وقال ربكم ادعوني استجب لكم إن الذين يستكبرون عن عبادتي سيدخلون جهنم داخرين )
غافر ٦٠


٤.

تطبيق الشرع

( ولو أنهم أقاموا التوراة والإنجيل وما أنزل إليهم من ربهم لأكلوا من فوقهم ومن تحت أرجلهم )
المائدة ٦٦


٥.

التوكل على الله

(قال رسول الله صلى الله عليه وسلم : لو أنكم تتوكلون على الله حق توكله لرزقكم كما يرزق الطير تغدو خماصا وتروح بطانا)
تغدو: تذهب أول النهار
خماص: جياع
تروح: ترجع آخر النهار
بطان: عظيم البطن


٦.

الهجرة

( ومن يهاجر في سبيل الله يجد في الأرض مراغما كثيرا وسعة )
النساء ١٠٠

٧.

شكر الله عز وجل فإن الشكر مقرون بالمزيد

( وإذ تأذن ربكم لئن شكرتم لأزيدنكم )
ابراهيم ٧


٨.

المتابعة بين الحج والعمرة

( قال رسول الله صلى الله عليه و سلم : تابعوا بين الحج والعمرة فإنهما ينفيان الفقر والذنوب كما ينفي الكير خبث الحديد والذهب والفضة )
الجامع الصغير ٢٩٠١


٩.

صلة الأرحام

(قال رسول الله صلى الله عليه وسلم: من أحب أن يبسط له في رزقه و ينسأ له في أثره فليصل رحمه)
متفق عليه

ينسأ له في أثره: يؤخر له في أجله وعمره


١٠.

الانفاق في سبيل الله

( وما أنفقتم من شئ فهو يخلفه وهو خير الرازقين )
سبأ ٣٩

Day 35

مبارك عليكم الشهر

حياكم الله في مدونتنا الرمضانية

" مع الله في كل نبضه"

http://ramadan-blog.blogspot.com/

:)

Day 34

اولة امس كنت في السياره مع الوالد الله يحفظه راجعين البيت
كانت حزتها ظهر..

بنص السوالف والمزاح..

حادث امام عيني قطع الحديث بيننا..

ثلاث سيارات اللي في الثلاث حارات جدامنا بلحظة بسبب غلطه
الكامري لفت فجاه على الوانتيت .. افترت ثلاث مرات واتجهت صوبنا .. لولا لطف الله والبريك القوي من ابوي لكان امر اخر.. دعمت الجيب في الحاره اليسرى بعدها الحاجز الاسمنتي

صوت الاصطدام بروحه كان مخيف ..
بلحظة كل هذا صار..

الحمدلله على كل حال والحمدلله على النجاه

:D

Day 33

اليوم كان اول يوم اذهب فيه للسوق منذ ان رجعت الكويت..

لماذا احسست اني الغريبه في دياري؟

رأيت في ديره المسلمين ما لم اره في ديره غير المسلمين !!!

بالفعل احسست بالغربه ،،

لوهله احسست ان الجميع قد اصابهم العمى !

لانه ببساطه الشكل لايتناسب مع الاسم

اسمه "عبدالله" واسمها " فاطمه" لكن الشكل ......!!!!

" اسمحولي ان قلت انه امر مضحك ..
.. بل مبكي ..


لا اجد له اسمها الا " الفتنه" ..

"أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ*

قال رسول الله صلى الله عليه وسلم

((إن الدنيا حلوة خضرة وإن الله تعالى مستخلفكم فيها فينظر كيف تعملون؛ فاتقوا الدنيا واتقوا النساء)).