Day # 9

سالفة اليوم :

أحيانا أسأل نفسي..

هل الدنيا بخير ؟؟

منو اللي غالب الحين .. الشر ولا الخير ؟؟

هل نتفاءل ام نتشاءم ؟؟

هل فيه أمل .. ولا الامل راح بلا عودة ....؟؟؟!

الاشكال الغريبة اللي نشوفها ..

البويات والمسترجلات

و الاعلام الهابط

والشباب الضايع ..

والبنات اللي عندهم بوي فرند

والبلاااااوي ...والجرايم

هذا اللي أسمعه وأشوفه ..

يعني بطبيعة الحال يخليني أتشاءم واتكدر و اتضايق ..

واقول خلااااص .. الدنيا مافيها خير ..

أحسن شي أحبس نفسي في البيت .. خلاص هذا آخر الزمان ..

لكن لما أشوف ولد صغير قلبه على الصلاة .. و يركض المسجد بس يسمع الاذان

ولما اشوف الشباب والبنات فيهم همه وطموح وقدرات تتفجر .. ماكنا نشوفها من قبل .. ولهم انجازات على صغر سنهم

..

ولما أشوف اخوان اثنين صغار .. يتحدون بعض منو يقرا القرآن بصوت أحلى ..

ولما أشوف السياير أغلبها حاطة على الجامة الخلفية " اذكر الله" و" الا بذكر الله تطمئن القلوب" ..

وأمس شفت سيارة معلقة " كل من عليها فان " ..

.. ومازلوا البنات يلبسون عبي و يحبون الستر ..

ومازال فيه واااااااااااايد مراكز متخصصه بالخير

ومازال فيه اذاعات يصدح فيها الدعاة ..

والقنوات الاسلامية بدت تكثر الله يزيدها ..

والمحاضرات بالمدارس .. والتائبين أفواج ..

كل ما أتلفت أشوف شي ايجابي يقول انتي غلطانه بظنج ..

أتفاءل .. وأتفاءل واتفاءل ..

الخيــــــــــــــــــــــــر موجود في أمـــــــــــــــة محمد الى يوم الدين ..

مازال في الناس قلب ينبض .. مازال الخير يعم .. والشر يخص

و الدنيا مازالت بخير ..

:)