Day # 10

سالفة اليوم:

لقيت مذكرة قديمـــــة .. مذكراتي وانا صغيرة

فتحتها .. وقامت الذكريات "تتقافز" في ذاكرتي..

لقيتني كاتبة كل يوم يمر علي واحداثه .. الاسلوب بسيــــــط والكلمات بريئة والكتابة كلها بدليات..

كنت كاتبة كل شي .. كل تفصيل مر بهاليوم .. شصار وشنو حسيت .. احلامي ,, طموحي ..

كلام وايد .. وقمة في العفوية

اكتشفت ان طريقة التفكير بين هالطفلة وبيني لي الحين نفسه..

صحيح فهمي للحياة تغير .. و اهتماماتي تغيرت ..

لكن شي عميق مازال يربطني .. مادري شسميه ؟؟

كتبت بهالدفتر لمده سنتين

آخر ماكتبت كان في تاريخ يناير\99

"لاوكنت احط التواريخ"

.. انه عمري صار 14

وان لي هدف .. ولازم احققه .. وليش أبي هالهدف يتحقق .. وسكرت الدفتر وتركته ..

سنين مرت .. وتوني اراجع هالشي .. الهدف تحقق .. من زمان

والصفحات مازالت فاضية ..

أخرجت قلم وكتبت :

" الى تلك المراهقة .. عمرك اليوم 20 عام .. وتحقق الهدف .. "

احسست اني وياها تواصلنا .. شي كان مفقود وارتبط مرة ثانيه.. فجوة بين السنين كفاها تواصل يوم ..

:)

تعلمت اليوم:

لازم لنا من وقفة نستدرك احنا وين الحين ووين كنا ووين رايحين .. لازم نوقف الساعه ونتفكر ولو دقايق