Day# 11

سالفة اليوم:

حمد

(ولد خالتي)

---

أذكر مرة لما كان صغير كانو حاطين العشا و من بين العشا حاطين "جلي" ملون .. زاغت عينه عالجلي جان يطالعني بكل براءة

" أنا أبي هادا .. أنا .. أنا مكييييييييين " مسكين

يقولها بطريقة تقطع نياط القلب ..

يعني اللي يسمعه وده يعطيه كل الجلي من كثر مايكسر الخاطر

عمره الحين 6 سنوات

شخصيته قيادية مقلدة من الدرجة الاولى

ممثل محترف

عنيد و نجري وشيطان

طبعا اذا صارت يمعه الصبيان فحمد يتزعم الجماعة اللي اغلبهم اكبر منه ويخليهم بطريقة عجيبة ينفذون مخططاته.

----------

عبدالرحمن

(ولد خالي)

------

مرة لما كان صغير كان يلعب بسيارته اللعبة ويحركها على الارض ومن غير لايقصد دعمني

تفاجأت بردة فعله.. ارتسمت على ويهه تقاسيم حزينه برئية انه موقصدي وحسباله عورني وطلع دم ..

وبكل حنان ولطف قاللي آثف

عبدالرحمن الحين عمره 8 سنوات

برئ و لطيف و مايحب الشطانه .. حنون صادق ..

هادي يحب الناس سوالفه تونس

ماعنده خبث ولا خطط .. واضح

--------

أبيات اليوم:

ولما قسى قلبي وضاقت مذاهــبي / / / جعلت الرجـــا مــنــي لـعـفـوك سُـلَّما

تعاظــم لــي ذنـــبي، فلـــمــا قرنـتـه / / / بــعــفـــوك ربي كان عفوك أعـظــما

فما زلــتَ ذا عــفوٍ مـن الذنـب لم تزل / / / تــجـــود وتــــعــــفــو مِـنَّـةً و تَـكَــرُّما

وإن تعف عني تــعـف عــن ذي إسـاءةٍ / / / ظلومٍ غشومٍ قاسيَ القلب مـجرمـا

وإن تـنـتـقـم مــنـي فـلـسـت بـآيــــسٍ / / / ولو دخلت روحي بجرمـي جَـهَــنَّـم