Day # 19
سالفة اليوم
كل ما أطلع من بيتنا اشوف خادمة بيت جيراننا ماسكة هوز الماي و تغسل السيارة و الكاشي جدام البيت
كل يوم على هالحال
يعورني قلبي لما اشوف هالمنظر كل صبح ..
لاعبة لعب بالماي
امس وقفت سيارتي عندها واشرت لها "حرام الماي" ..واهيا اطالعني ماتدري شقول
@@
لولا الحيا جان نزلت وسكرته
المشكلة انه شالفايده .. اليوم تغسل باجر غبار
اتوقع حق السيارات .. تب ماي كافي تنظف السيارة وزود
يعني هالناس ماراح يحسون لين ما ننعدم الماي مرة وحده
ذيك الساعه ماينفعهم لا سيارة نظيفة ولا حوش نظيف
لاحول ولاقوة الا بالله
posted by Amna @ 2:40 AM
5 Comments:
At May 3, 2007 at 1:37 AM ,
TReSTeN said...
افوول الشره مو على الخدم الشره على الاهل
واحنا شكلنا جم سنة بس وبنموت من العطش
شعب استهلاكي عديم المسؤولية
وماراح نعرف قيمة الشئ الا ليما نخسره
At May 3, 2007 at 4:00 AM ,
Kuw_Son said...
والله نفس الحالة !!
أتحسر لما أشوف هوز مهدود على الأرض و الخادم أو الخادمة مشغولة بمسح السيارة ولا يقص الزرع !!
والماي يهدر !!
الله أكبر ما يحسون !!؟
و الله يقول: " ثم لتسألن يومئذ عم النعيم" !!
At May 3, 2007 at 11:51 AM ,
الحارث بن همّام said...
احنا مصيبتنا أكبر .. لأن مو بس جارنا اللي يغسل سياراته .. إلا الفريج كله يغسل .. اللي يشوف الفريج يقول محطة غسيل وتشحيم ..
المشكلة لما يتجمع الماي بالشارع .. والبواليع ما تلحق .. يغرق الفريج .. والله حتى الرصيف ما يبيّن .. وأحلى شي لما تمر سيارة بشارعنا والشارع مليان الماي .. فتمشي وتطشر ماي على البيوت .. لالا مصيبة كبيرة .. لازم نحاسب وزير التربية على هذا الاهمال !! ( شكو وزير التربية ؟؟ مسكين :) )
At May 4, 2007 at 1:22 AM ,
Amna said...
tresten
kuw son
الحارث بن همام
-------
المنهج الامريكي اللي ندرسه في احصائية ان الكويت ثالث اكبر دولة مستهلكة بالعالم
لو كل واحد فينا الزم نفسه على التوفير راح يشكل فرق جدا كبير على المعدل المستهلك
ولو كل واحد فينا نصح غيره راح نوفر الضعف
وبنفس المنهج مكتوب ان الكويت أول دولة راح تعاني
"water scarcity"
أو
"ندرة المياه"
95% من مصادر الماي عندنا تقطير
5% جوفيه ويستعملونها بطريقه خاطئة
قال رسول الله صلي الله عليه وسلم
" لاتسرف ولو كنت على نهر جاري"
الله يحفظ ديرتنا من كل مكروه
At May 7, 2007 at 1:02 AM ,
~ شَــهْـــرزاد ~ said...
صباحكِ صافي كصفاء الماء آنستي
عزيزتي ... تلك المعضلة نعاني منها لإنعدام الشعور المسؤولية لدى هؤلاء, فلو لشعروا بالمسؤولية الوطنية لما سلوكوا ذلك السلوك المعوج
ففي حين يهدر الماء عندنا ولله الحمد نجد أن بعض الدول تعاني من ندرته
لذا فمتى ما كثر الشيء قلّ قيمته عند صاحبه.
همسة في أذنكِ آنستي:
بما أنكِ طالبة في كلية البنات الجامعية , فإنكِ حتماً تعرفينني لانني كنت إحدى طالباتها ولكن الآن حولت .
يا ترى من تكونين ؟
نتركها للأيام
؛)
دمتِ غيورة على بلدكِ
Post a Comment
Subscribe to Post Comments [Atom]
<< Home